Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.

 


 

 



 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Lógaruppskotið eigur at vera tikið aftur

2020-10-09 08:16

Viðv. lógaruppskoti nr. 31/2020: broytingar í løgtingslóg um arbeiðsfremjandi tiltøk (Broytt tillagað starv, nýggj javning o.a.)

Føroyar hava í 2009 sett í gildi Sáttmála Sameindu Tjóða um rættindi hjá einstaklingum, ið bera brek. § 27 b í sáttmálanum staðfestir, at tey, ið bera brek, ikki mugu verða fyri mismuni á arbeiðsmarknaðinum – heldur ikki, tá umræður løn.

Tað er av stórsta týdningi fyri okkum øll – bæði frísk og sjúk – at fólk, ið bera brek, ikki verða fyri mismuni á arbeiðsmarknaðinum.

Lógaruppskotið hjá landsstýrinum um at lækka lønina hjá teimum, ið vegna sjúku/brek hava tillagað starv, er ikki er í tráð við ST-sáttmálan um rættindi hjá teimum, ið bera brek.

Skipanin við tillagaðum størvum varð sett í gildi við lóg, so sleppast kundi undan, at fólk, ið vóru sjúk ella bóru brek, skuldu gerast óvirknir fyritíðarpensjónistar, men skuldu vera virkin á arbeiðsmarknaðinum. Lønin fyri tillagað starv skuldi vera sáttmálabundin løn og ikki ein jo-jo løn, sum landsstýrið kann skerja eftir vild.

Hetta lógaruppskot um skerda løn til sjúk og brekað eigur at verða tikið aftur.

Føroya Astma/Allergifelag