Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.

 


 

 



 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Rósa Samuelsen spyr um uppgávuna hjá Sernám og bíðilistar

2021-10-11 16:50

Rósa Samuelsen, løgtingskvinna fyri Sambandsflokkin, hevur í dag sett Jenis av Rana, landsstýrismanni í uttanríkis- og mentamálum, ein skrivligan fyrispurning (§ 52a) um uppgávuna hjá Sernám og bíðilistar. Svarast skal í seinasta lagi 10 yrkadagar eftir, at spurningurin er latin inn.

Løgtingskvinnan spyr fylgjandi:

1. Hvørjar uppgávur í sambandi við sernámsfrøðiliga ráðgeving hevur Sernámtrupulleikar við at røkja, og hvat eru orsøkirnar til hesar trupulleikar?

2. Hvussu virkar samstarvið millum Sernám og t.d. psykiatriina, dagstovnar, skúlarog foreldur?

3. Hvussu langir eru bíðilistarnir fyri ymsu uppgávurnar og viðgerðirnar, sumSernám varðar av?

4. Hvørjar ætlanir eru fyri framman til at tryggja, at allar uppgávur hjá Sernámiverða loystar á nøktandi hátt, og at samstarvið við aðrar myndugleikar o.o. virkar so væl sum møguligt?

Í viðmerkingunum til skrivliga fyrispurningin sigur Rósa Samuelsen, løgtingskvinna, at Sernám veitir ráðgeving innan sernámsfrøðilig viðurskifti til dagstovnar og skúlar, og foreldur, sum varða av børnum og ungum.

Í Sernámi eru hesi fakøkini: ergo- og fysioterapi, sálarfrøði, sernámsfrøði, sersamskifti, sjón og tala. Harumframt er eisini lesiráðgeving til fólkaskúlan. Dentur verður lagdur á tvørfakligt samstarv millum hesi fakøkini í teirra samstarvi við stovnar, skúlar og foreldur.

Tað hoyrist alment millum fólk, at Sernám hevur stórar trupulleikar við at loysa og røkja sínar uppgávur í sambandi við sernámsfrøðiliga ráðgeving.

Spurningurin er um trupulleikarnir stinga djúpri og ikki einans skulu finnast á stovninum sjálvum.

At enda sigur Rósa Samuelsen, í sínum viðmerkingum, at tey, sum standa sum taparar eru brúkararnir, sum ikki fáa ta hjálp og viðgerð, sum er neyðug, og sum tey hava rætt til. Tí verður hesin fyrispurningur settur.

Sambandsflokkurin