Um tú ikki hevur Facebook, kunnu vit leggja lesarabrævið inn fyri teg. Send lesarabrøv til redaktion@knassar.fo.

 


 

 



 

Soleiðis leggur tú á Lesaran

Tað er ókeypis at leggja lesarabrøv á lesarin.fo.

1. Rita inn umvegis Facebook
2. Ger eina yvirskrift
3. Legg mynd afturat
4. Skriva lesarabræv
5. Goym

 



 



Privacy policy

Fýra áheitanir frá pensjónistunum

1899-12-31 14:24

Tíðindaskriv

Landsfelag Pensjónista vil í samband við komandi val heita á politisku flokkarnar, at taka viðurskiftini hjá pensjónistum við í valskránna, har m.a. hesi mál hava stóran týdning:

1. Útgjald frá Samhaldsfasta skal verða skattafrítt.
Samhaldsfasti verður skattaður tvær ferðir í dag - við inngjald og við útgjald. Hetta eigur at broytast somuleiðis sum aðrar pensjónir, sum í dag verða skattaðar við inngjald og eru tí skattafríar við útgjald.

2. Hækka grundupphæddina.
Skattafría grundupphæddin skal hækkast við í minsta lagi 580 kr., sum hon varð lækkað við í 2016.

3. Mótrokningarfría inntøkan skal hækkast upp til kr. 100.000.
Tað skal kunna løna seg hjá pensjónistum at arbeiða eftir pensjónsaldur. Í dag verður viðbótin mótroknað, tá inntøkan fer uppum kr. 61.900 fyri støk og kr. 80.000 fyri hjún, og tá er brennistuðulin eisini tikin burtur. Mælt verður eisini til, at mótrokningarprosentið í viðbótini verður lækkað frá 60% til 30%.

4. Fráfaringaraldurin skal burtur.
Tað skal lóggevast, at tað ikki er loyvt at siga fólki upp vegna aldur. Pensjónsaldur skal ikki vera tað sama sum fráfaringaraldur á arbeiðsmarknaðinum. Tað skal ikki verða aldurin, men arbeiðsførleikin, ið avger, um ein skal av arbeiðsmarknaðinum ella ikki.

13. aug. 2019
Landsfelag Pensjónista