Tað riggar í løtuni ikki at leggja lesarabrøv á Lesarin.fo umvegis Facebook.

Fyribils skulu lesarabrøv sendast til redaktion@knassar.fo, so leggja vit tað út fyri teg.

Eyka skip til Suðuroyarleiðina

2021-11-29 13:46

Bjarni Hammer í Javnaðarflokkinum fer nú at leggja uppskot fram um, at landsstýrið útvegar eitt eyka skip til Suðuroyarleiðina.

Smyril er lívæðrin hjá suðuroyingum og einasta veruliga sambandið at flyta ferðafólk til og úr Suðuroynni. Seinastu árini er vøksturin av ferðafólki, akførum og farmi vaksin so mikið, at Smyril hevur trupult við at nøkta tann økta tørvin, sum ferðandi og økta framleiðslan í Suðuroynni hava brúk fyri.

Tøl frá Strandferðsluni vísa, at samanumtikið er flutningurin av ferðafólkum og akførum vaksin við áleið 25% og fraktin vaksin við yvir 50% seinastu árini.

Men Smyril er enn tann sami. Hann er ikki vaksin seinastu árini. Smyril er enn 138 metrar langur og 22,7 metrar breiður. Plássið á bildekkinum er enn tað sama, sum tað var, tá vit fingu hetta stásiliga, sjógóða skipið í 2005. Tað sigur seg sjálvt, at verandi støða kann ikki halda fram leingi afturat, sigur Bjarni Hammer. 

Uppskotið verður eftir ætlan lagt fram í næstum.

Javnaðarflokkurin